TARJIMA NAZARIYASI VA AMALIYOTI FAKULTETI

     Fakultet O‘zbekiston Respublikasi Prezidentining 2016-yil 13-maydagi “Alisher Navoiy nomidagi Toshkent davlat o‘zbek tili va adabiyoti universiteti faoliyatini tashkil etish to‘g‘risida” gi PF-4797-son Farmoni asosida tashkil etilgan bo‘lib, 5120200-Tarjima nazariyasi va amaliyoti ta’lim yo‘nalishida mutaxassislar tayyorlaydi. Ushbu mutaxassislar ilmiy, badiiy va boshqa sohalardagi adabiyotlarni o‘zbek tilidan ingliz va boshqa xorijiy tillarga, shuningdek, jahon tillaridan ona tilimizga yuksak sifat va mahorat bilan tarjima qilish, xalqaro anjuman va forumlarda sinxron, vizual, ketma-ket tarjima qiladigan tarjimonlar tayyorlash, o‘zbek tili va dunyodagi yetakchi xorijiy tillar asosida tarjima dasturlari va lug‘atlar, elektron darsliklar yaratish bilan bog‘liq ilmiy-metodik ishlanmalar, amaliy tavsiyalar tayyorlash va bu borada erishilgan natijalarni amaliyotga keng tatbiq etish borasida izlanishlar olib boradi.

     Universitetni tashkil etish haqidagi Farmonda nafaqat xalqaro miqyosda o‘zbek tili nufuzini ko‘tarish, balki boy adabiy merosimizni dunyoning turli tillariga tarjima qilish borasida fakultetning vazifalari belgilangan.

 

Fakultetda 4 ta kafedra faoliyat yuritadi:

     Fakultetda 76.25 shtat birligida 67 nafar professor-o‘qituvchilar dars beradi. Shundan 58 nafari asosiy shtatda, 9 nafari o‘rindosh. Ularning 3 nafari fan doktori, 9 nafari  PhD, 12 nafari katta o‘qituvchi, 46 nafari o‘qituvchi. Ilmiy salohiyat 19 foizni tashkil etadi.

     Fakultet dunyoning 20 dan ortiq mamlakatlaridagi 40 ga yaqin universitetlari bilan hamkorlik o‘rnatgan. Mazkur hamkorlik asosida 4 ta yirik xalqaro loyihalar amalga oshirilayotganini alohida qayd etish lozim. Xususan, Venetsiya universiteti va Polshaning Bialstok universiteti bilan hamkorlikda “Erasmus+ International Credit Mobility Programm” xalqaro loyihasida (2020-2023) ishtirok etmoqda.  Qolaversa, “Stand against drugs”, “Pathway of Empowerment Gender based violence” singari yirik xalqaro loyihalar fakultet jamoasi tomonidan amalga oshirilmoqda. Fakultet talabalarining orasida  Zulfiya nomidagi davlat mukofoti, “Yosh kitobxon”, “Ilhom” respublika tanlovlari, fan olimpiadasi  gʻoliblari, davlat stipendiyalari sovrindorlari, AQSH elchixonasi tomonidan tashkil etiladigan xalqaro tanlov va festivallarning g‘oliblari tahsil oladi.

Fakultet dekani:  filologiya fanlari bo‘yicha falsafa doktori (PhD), dotsent.  Sayfullayev Anvar Islomovich