O‘ZBEK TILI TA’LIMI FAKULTETI

Fakultet O‘zbekiston Respublikasi Prezidenti Sh.M.Mirziyoyev rahbarligida 2021-yil 16-iyunda “Oliy ta’lim sohasidagi islohotlar natijadorligi hamda yangi o‘quv yiliga tayyorgarlik jarayonlari to‘g‘risida” o‘tkazilgan videoselektor yig‘ilishining 34-sonli bayoni, O‘zbekiston Respublikasi Vazirlar Mahkamasining 2020-yil 3-martdagi “Alisher Navoiy nomidagi Toshkent davlat o‘zbek tili va adabiyoti universiteti faoliyatini yanada takomillashtirish chora-tadbirlari to‘g‘risida”gi 117- son qarori, Oliy va o‘rta maxsus ta’lim vazirining 2020-yil 6-martdagi “O‘zbekiston Respublikasi Vazirlar Mahkamasining 2020-yil 3-martdagi 117-son qarori ijrosi to‘g‘risida”gi 170-sonli  buyrug‘i hamda universitet Ilmiy Kengashining 2021-yil 28-avgustdagi 1-sonli yig‘ilishi qarorida belgilangan vazifalar ijrosidan kelib chiqqan holda 2021-yilning  6-sentabrida Universitet rektorining 01-299-sonli buyrug‘i asosida tashkil etilgan. Fakultetga O‘zga tilli guruhlarda o‘zbek tili, Noshirlik ishi, Amaliy filologiya, Kompyuter lingvistikasi, Matnshunoslik va adabiy manbashunoslik kabi ta’lim yo‘nalishlari birlashtirilgan. Fakultetda jami  6 nafar professor, 17 nafar fan nomzodi hamda  10 nafar PhD  faoliyat koʻrsatadi. 

Fakultetda 4 ta kafedra faoliyat yuritadi: 

Amaliy filologiya 

Kompyuter lingvistikasi va raqamli texnologiyalar

Matnshunoslik va adabiy manbashunoslik

 O‘zbek tili va adabiyoti

    Amaliy filologiya fakulteti tashkil topganiga ko‘p bo‘lmagan bo‘lsa-da, bir qancha xorijiy davlatlar bilan hamkorlik oʻrnatgan. Xususan, Qozon Federal universiteti, Moskva davlat lingvistika universiteti, Ozarbayjon davlat tillar universiteti, Nijniy Novgorod davlat lingvistika universiteti, Anqara universiteti, Belorus davlat universiteti, Gumilev nomidagi Yevroosiyo universitetlari bilan samarali hamkorlik faoliyati yo‘lga qo‘yilgan.

    S.Muhamedova, B.Mengliyev, A.Sobirov, R.Zohidov, G.Asilova, Sh.Hamrayeva,  M.Abulxayrov, B.Elov, M.Abjalova, M.Saparniyozova kabi olimlar dunyoning turli xalqaro ilmiy markazlari, rivojlangan davlatlarda oʻz maqola, ilmiy izlanishlari, monografiya va o‘quv qo‘llanmalarini nashr qildirishgan. Professor-o‘qituvchilar dunyo reytingida 1000talikka kirgan  OTMlarda ma'ruzalar o'qib kelishmoqda.  Shuningdek,  xorijlik olimlar ham  fakultetda talabalarga ta’lim berishadi.  Fakultet dekani: Filologiya fanlari doktori, professor Muhamedova Saodat Xudoyberdiyevna. 

2021/2022-o‘quv yilida 5112400 – O‘zga tilli guruhlarda o'zbek tili bakalavriat ta’lim yo‘nalishi bitiruvchi talabalari uchun umumkasbiy va ixtisoslik fanlaridan (Hozirgi o‘zbek adabiy tili, O‘zbek adabiyoti, O‘zbek tilini ikkinchi til sifatida o‘qitish metodikasi)  yakuniy davlat attestatsiyasi sinovlari o‘tkaziladi. Quyidagi havolada dasturni yuklab olishingiz mumkin:

5112400 – O‘zga tilli guruhlarda o'zbek tili