“Taraqqiyot sari qizlar bilan!” nomli uchrashuv bo‘lib o‘tdi
11-oktabr — Xalqaro qizlar kuni munosabati bilan Alisher Navoiy nomidagi Toshkent davlat o‘zbek tili va adabiyoti universitetida “Taraqqiyot sari qizlar bilan!” nomli uchrashuv o‘tkazildi. Tadbir Oila va xotin-qizlar qo‘mitasi hamda universitet hamkorligida tashkil etildi.
Uchrashuvda universitetimizdan Manaviy-marifiy ishlar bo’yicha birinchi prorektor Gulnoza Jurayeva va Xotin-qizlar qo’mitasi raisi Odina Rasulovna hamda Oila va xotin-qizlar qo‘mitasidan Zarifa Iskandarova, qo‘mita yetakchi mutaxassisi Nargiza Yunusova, “ Oila va gender” ilmiy-tadqiqot instituti direktori o‘rinbosari, professor Oynisa Musurmanova, O‘zbekiston Milliy kutubxonasi direktori Umida Teshabayeva, shoira Nodirabegim Ibrohimova ishtirok etdilar. Tadbir davomida ishtirokchilar yoshlarning, ayniqsa qizlarning ma’naviy olami, ijtimoiy faolligi va ijodiy salohiyatini rivojlantirish masalalarida o‘z fikr va tajribalari bilan o‘rtoqlashdilar. Talaba qizlar o‘z ijod namunalari bilan ishtirok etib, mehmonlarga savollar yo‘lladilar.
Uchrashuv iliq va samimiy ruhda o‘tdi hamda yoshlarni bilim olish, yuksak maqsadlar sari intilish va jamiyat hayotida faol bo‘lishga undadi.