O‘zbek tili ilmiy-tadqiqot markazi

Oʻzbek tilining ilmiy taqiqot masalalari

Xalqaro hamkorlik: Qozon Federal universiteti, MDU Osiyo, Аfrika mamlakatlari instituti, Moskva davlat lingvistika universiteti, Ozarbayjon davlat tillar universiteti, Nijniy Novgorod davlat lingvistika universeteti, Аnqara universiteti, Belorus davlat universiteti, Gumilev nomidagi Yevrosiyo universiteti

O‘z R OO‘MTV bilan hamkorlikda ilk bora o‘zbek tili va adabieti bo‘yicha xalqaro onlayn olimpiada o‘tkazildi. Olimpiadada 10 dan ortiq mamlakat OTM talabalari va O‘zbekistonda tahsil olayotgan xorijlik talabalar ishtirok etishdi. Topshiriqlar 2 turdan iborat bo‘ldi: rasmga qarab esse yozish va og‘zaki suhbat. Ishtirokchilarning bilimi o‘zbek tili va adabiyotining bilimdonlari bo‘lgan xorijlik va o‘zbekistonlik olimlar tomonidan baholab borildi. Samimiy va do‘stona ruhda, shuningdek, talabchanlik bilan o‘tkazilgan sinovlarda talabalar zavq-shavq bilan qatnashib, yuqori natijalarga erishishdi. Ishtirokchilar shaxsiy va jamoaviy hisobda g‘oliblikni qo‘lga kiritib, I, II, III darajali diplomlarga ega bo‘lishdi. Jamoaviy hisobda 1-o‘rinni Janubiy Koreya jamoasi, 2-o‘rinni Yaponiya jamoasi va 3-o‘rinni Qozog‘iston jamoasi qo‘lga kiritdi. Talabalar bizning ona tilimizda ravon so‘zlayotganidan, o‘zbek xalqiga, tiliga, tarixi va madaniyatiga nisbatan chuqur hurmat bilan munosabatida bo‘layotganliklarini namoyon qilishdi, olimpiada tom maʼnoda ishtirokchilarga ham, hakamlarga ham haqiqiy ilhom, rag‘bat berdi.

2022-yil 29-yanvar kuni “El-yurt umidi” jamg’armasi va Alisher Navoiy nomidagi Toshkent davlat o’zbek tili va adabiyoti universiteti hamkorligida “AQShda chet tillarini oʻqitish tajribasidan: oʻzbek tili misolida” mavzusida Xalqaro ilmiy vebinar o‘tkazildi. Vebinar iishida "El-yurt umidi" jamgʻarmasi Xorijda faoliyat yuritayotgan va qimmatli tajribaga ega boʻlgan vatandoshlar bilan muloqot qilish boʻlimi boshligʻi J.Quryozov, Alisher Navoiy nomidagi Toshkent davlat oʻzbek tili va adabiyoti univetsiteti Amaliy filologiya fakulteti dekani, filologiya fanlari doktori, professor S.X.Muhamedovalar o‘z chiqishlari bilan qatnashishdi. Unda asosiy ma’ruzachi sifatida Indiana universitetining “Til mukammalligi va texnologiyalari markazi”da o’z mehnat faoliyatini olib borayotgan vatandoshimiz U.Hikmatillayeva taqdimot qildi va qatnashuvchilarning barcha savollariga batafsil javob berdi. Interaktiv tarzda o‘tkazilgan vebinarda 100 dan oshiq ishtirokchi qatnashdi.

Markazning moddiy ba’zasida Oʻquv adabiyotlari, “Oʻzbekiston: til va madaniyat. Amaliy filologiya masalalari” jurnalining barcha sonlari,kiradi. Shuningdek, “Oʻzbekiston: til va madaniyat. Amaliy filologiya masalalari” jurnalidan har oy 6 000 000 dan ziyod tushum, undan 1 000 000 dan 3 000 000 gacha boʻlgan foyda koʻriladi. Mazkur mablagʻ fakultetning ma’naviy-ma’rifiy tadbirlarida sarflanadi.
Markazning texnik ba’zasiga Universitet tomonidan ta’minlangan kompyuter, printer va boshqa jihozlar kiradi.