Uzoq kutilgan xushxabar!
Uzoq kutilgan xushxabar!
Universitetimizda talaba soni 5000 nafardan oshdi! Shu sababli talabalar turar joyiga bo‘lgan ehtiyojni qondirish va ijtimoiy himoyaga muhtoj talabalarimizni qo‘llab-quvvatlash maqsadida katta yangilikni e’lon qilamiz.
O‘zbekiston Respublikasi Vazirlar Mahkamasining 2021-yil 9-sentabrdagi 563-sonli qaroriga muvofiq, Toshkent davlat o‘zbek tili va adabiyoti universiteti akademik litseyi hududida 832 o‘rinli talabalar turar joyi binosini qurish bo‘yicha barcha zarur hujjatlar tasdiqlandi va qurilish ishlari boshlab yuborildi.
Ushbu yotoqxona davlat-xususiy sheriklik shartlari asosida barpo etilib, 2025-2026-o‘quv yilida foydalanishga topshirilishi rejalashtirilgan. Bu esa ijtimoiy himoyaga muhtoj talabalarimiz uchun yotoqxonada joylashish imkoniyatlarini yanada kengaytiradi.
Talabalarimizni qo‘llab-quvvatlashga qaratilgan bu muhim loyiha universitetimiz rivojida yana bir ulkan qadam bo‘ladi!