Turkiyalik olimlar universitetimizda mehmon
Bugun universitetimizga Anqara Hoji Bayram Vali universiteti professorlari: filologiya fanlari doktori Najiye Yildiz, tarix fanlari doktorlari Konuralp Erjilasun, Guljanat Kurmangalıyeva Erjilasun, Pamukkale universiteti professori, filologiya fanlari doktori Nergis Biray, mazkur universitetning o‘zbek tili va adabiyoti bo‘yicha ilmiy izlanishlar olib borayotgan doktorantlari Suveyda Shahin, Fatma Aptekin, Kahraman Marash universiteti dotsenti, tarix fanlari doktori Hikmet Demirji, Anqara Hoji Bayram Vali universiteti doktoranti Eldos Toktarbay tashrif buyurdi.
Turkiyalik olimlar ishtirokida tashkil etilgan ma’ruzalarda universitet professor-o‘qituvchilari va talabalari ishtirok etdi. Turkiy tillar, turkiy xalqlar adabiyoti, tarixi, madaniyati, dunyo ta’lim tizimi, akademik mobillik mavzusidagi savol-javoblarda ilm olamidagi yangiliklar, istiqboldagi ilmiy hamkorlik rejalari haqida ham ma’lumotlar berildi. Samimiy muloqot ishtirokchilarda unutilmas taassurotlar qoldirdi.