Talabalikning yana bir sermazmun haftasi boshlandi
Talabalikning har kuni izlanish, oʻrganish va har lahzani unumli sarflash demakdir. Shu ma’noda universitetimizda tashkil etilayotgan kunlik tadbirlatning maqsadi talabalarning boʻsh vaqtlarini unumli sarflash, ularda yangidan yangi koʻnikmalarni hosil qilishdan iborat.
Xususan, talabalarning bugungi kuni ham juda sermazmun oʻtdi. Erta tongdan “Doʻstlik” bogʻi hududida badantarbiya qilishdan boshlandi hafta. Kunning birinchi yarmida birinchi bosqich talabalari uchun dars mashgʻulotlari boʻlib oʻtadi. Darsdan soʻng esa Ona tili va adabiyot ta’limi fakulteti talabalari ishtirokida “Zakovat”ning navbatdagi tur oʻyinlari boʻlib oʻtdi. Jismoniy tarbiya va sogʻlomlashtirish markazida esa volleybol boʻyicha fakultet birinchiligi oʻtkazildi.
Kun yakunida esa birinchi bosqich talabalari poytaxtimizdagi Adiblar xiyoboniga sayohat qildilar. Universitetimiz yoshlar masalalari va ma’naviy-ma’rifiy ishlar boʻyicha prorektori v.v.b. G.Joʻrayeva rahbarligida talabalar Alisher Navoiy haykali poyida mushoira ham tashkil etdilar.
Bir soʻz bilan aytganda, bugungi kun mazmunli va yaxshi xotiralarga boy boʻldi.
