Siz konstitutsiyadagi huquqingizni bilasizmi?
2023-yil 5-dekabr kuni universitetimizda "Siz konstitutsiyadagi huquqingizni bilasizmi?" mavzusida tadbir tashkil etildi. Tadbirda mehmon sifatida Yakkasaroy tumani adliya bo’limi yuristi Sardor Kamolov taklif etildi. Mehmon talabalarga bosh qomusuimizning xalqchilligi, uning moddalari haqida batafsil ma'lumot berdi.
Konstitutsiya inson huquq va erkinliklarini oliy qadriyat deb e’lon qilib, demokratik islohotlar, iqtisodiyotni modernizatsiya qilish, ijtimoiy o‘zgarishlar uchun asos bo‘ldi. Bu millatlararo tinchlik va totuvlikni mustahkamlash, tarixiy-madaniy an’analarni rivojlantirishga xizmat qilmoqda.
Konstitutsiya inson huquq va erkinliklarini ta’minlash, davlat suvereniteti, jamiyatda tinchlik va totuvlik tamoyillariga rioya etish, hayotimizning barcha jabhalarida keng ko‘lamli islohotlarni amalga oshirishning kafolatidir. Ushbu xujjat O‘zbekiston davlatchiligi shakllanishining eng yangi bosqichini boshlab berdi va bugungi kunda u har bir insonning huquq va erkinliklarini kafolatlaydi.
Konstitutsiya Kuni erkin va kuchli davlat ramzi, mamlakat taraqqiyoti va har bir insonning hayot sifatini oshirish poydevoridir.
