Shoir bilan uchrashuv yoki yana bir she'r bayrami
Bugun Toshkent davlat oʻzbek tili va adabiyoti universiteti Amaliy filologiya fakultetida Oʻzbekistonda xizmat koʻrsatgan madaniyat xodimi, Yozuvchilar uyushmasi aʼzosi, shoir Bobur Bobomurodning talabalar bilan ijodiy uchrashuvi boʻlib oʻtdi.
Ushbu adabiy-madaniy tadbirni Yoshlar masalalari va maʼnaviy-maʼrifiy ishlar boʻyicha birinchi prorektor B.Xoliqov ochib berdi.
So’ngra soʻz shoir Bobur Bobomurodga berildi. Shoir oʻz hayot yoʻli, ijod mashaqqatlari, sheʼriyat haqida toʻlqinlanib gapirdi. Goʻzal va betakror sheʼrlaridan oʻqidi.
Shundan soʻng, fakultet dekani S.Muhamedova shoir ijodining oʻziga xos jihatlari haqida oʻz fikr-mulohazalarini bildirdi.
Tadbirda sheʼriyat ixlosmandlari shoirning dilga yaqin sheʼrlaridan oʻqib berdilar. Badiiy kecha oʻzgacha mazmun kasb etdi, she’riyat bayramiga aylandi.
