Ozarbayjon she'riyati kunlari
Alisher Navoiy nomidagi Toshkent davlat o‘zbek tili va adabiyoti universiteti, Haydar Aliyev nomidagi Ozarbayjon madaniyat markazi, O‘zbekiston yozuvchilar uyushmasi hamda Fuzuliy nomidagi ilmiy tadqiqot markazi hamkorlikda joriy yilning 23-oktabr kuni Ozarbayjon Xalq shoiri Vohid Azizning ijodiy kechasi o'tkazildi. Tadbirda Haydar Aliyev nomidagi Ozarbayjon Madaniyat Markazi direktori Samir Abbasov, O‘zbekiston Yozuvchilar uyushmasining bo‘lim boshlig‘i, shoira Farog‘at Xudoyqulova, O‘zbekiston Yozuvchilar uyushmasi raisining Til masalalari bo‘yicha maslahatchisi Salim Ashur va ko'plab filolog olimlar, ijodkor talabalar ishtirok etishdi.
Tadbirda "Fuzuliy dilbandlari" to'garagi a'zolari tomonidan benazir she'rlardan iborat badiiy kompozitsiya namoyish etildi. So'z olganlar Tariximiz zarvaraqlari o‘zbek va ozarbayjon xalqlarini tili, an’ana va urf-odatlari bir-biriga nechog‘li yaqin ekanligidan guvohlik beradi. Bugun esa ikki mamlakat jamiyati bu madaniy rishtalarni umumiy qadriyatlar sifatida qadrlab, ularni mustahkamlab kelinayotganini qayd etdilar.