Malakaviy pedagogik amaliyotiga bagʻishlangan konferensiya oʻtkazildi
Oʻzbekiston Respublikasi Oliy va oʻrta maxsus taʼlim vazirligi, Xalq taʼlimi vazirligi va Maktabgacha taʼlim vazirligining 2019-yil 5-martdagi 10-sonli qoʻshma qarori, amaldagi oʻquv reja, Amaliy filologiya fakulteti kengashining 2022-yil 21-fevraldagi 5-sonli bayonnomasi, Bakalavriat taʼlim yoʻnalishi talabalarining malakaviy pedagogik amaliyot dasturiga asosan Oʻzga tilli guruhlarda oʻzbek tili taʼlim yoʻnalishi 4-kurs talabalarining 2022-yil 21-fevraldan 11-iyungacha oʻquv jarayonidan ajralgan holda malakaviy pedagogik amaliyotni oʻtashi belgilangan. Shu munosabat bilan 2022-yil 21-fevral kuni Amaliy filologiya fakulteti 4-kurs talabalari bilan malakaviy pedagogik amaliyotiga bagʻishlangan konferensiya oʻtkazildi. Unda universitet oʻquv-metodik boʻlimi boshligʻi V.Nazarov, Amaliy filologiya fakulteti dekani S.Muhamedova, dekan oʻrinbosarlari N.Nurabdullayev, S.Xudoyberdiyeva, Amaliy filologiya kafedrasi professor-oʻqituvchilari hamda amaliyot rahbarlari ishtirok etishdi. Konferensiyada talabalar pedagogik amaliyotning bitiruvchilar uchun ahamiyati tushuntirilib, amaliyot davrida amalga oshirishi kerak boʻlgan ishlar, xususan, bu jarayonda yuritilishi zarur bo‘ladigan meʼyoriy hujjatlar, amaliyotni o‘tash tartibi, shakli, mazmuni kabi qator masalalar muhokama qilindi, bular yuzasidan tushuntirishlar berildi. Talabalarning pedagogik amaliyot bilan bogʻliq savollariga masʼullar batafsil javoblarni berishdi, talabalar bilan maxsus telegram guruhlar tashkil qilinib, barcha tashkiliy masalalar kelishib olindi.
