Kitob taqdimoti o'tkazildi
2022-yilning 25-fevralida “Agrobank” ATBning Bosh ofisida Toshkent davlat oʻzbek tili va adabiyoti universiteti professor-oʻqituvchilari S.Muhamedova, Y.Shirinova, S.Xudoyberdiyevalar tomonidan tuzilgan “Bank-moliya terminlarining oʻzbek tilidagi izohli lugʻati” (2022-yilda nashr qilinib, qayta ishlangan va toʻldirilgan nashri) ning taqdimoti oʻtkazildi. Tadbirda Agrobankning viloyat, shahar va tumanlardagi filiallarining boshqaruvchilari, OAV xodimlari, Toshkent davlat oʻzbek tili va adabiyoti universiteti professor-oʻqituvchilari S.Muhamedova, S.Xudoyberdiyeva, OʻzR Vazirlar Mahkamasi huzuridagi Oʻzbek tilini rivojlantirish jamgʻarmasi bosh mutaxassisi Guljamol Toʻychiyeva, Amaliy filologiya fakulteti Noshirlik ishi taʼlim yoʻnalishining 1-kurs talabalari qatnashishdi. S.Muhamedova taqdimotda lugʻatning yaratilish tarixi, terminlarni joylashtirish, izohlarni berishda nimalarga eʼtibor berish zarurligi haqida to‘xtalib o‘tdi. S.Xudoyberdiyeva esa oʻzbek xalqi tarixida yuzaga kelgan bank-moliya terminlari haqida maʼlumot berdi. Uchrashuv interaktiv tarzda oʻtkazildi. Maʼruzachilar ishtirokchilarning savollariga batafsil javob berdilar.
Tadbir ishtirokchilarining har biriga lugʻat sovgʻa qilindi. Bank boshqaruvchilari bilan kelgusida yana ham katta hajmli lugʻatlarni yaratish borasida kelishib olindi.
