“JAHOLATGA QARSHI MA’RIFAT” mavzusida ma’naviy-ma’rifiy tadbir
Alisher Navoiy nomidagi Toshkent davlat o‘zbek tili va adabiyoti
universitetida Din ishlari bo‘yicha qo‘mita Toshkent shahar boshqarmasi, Toshkent shahar hokimligi bilan hamkorligida talaba-yoshlar o‘rtasida ilm-fan va kasb-hunarga qiziqtirish maqsadida 2021 yil 22 dekabrda “JAHOLATGA QARSHI MA’RIFAT” mavzusida ma’naviy-ma’rifiy tadbir o‘tkazildi.
Tadbirni yoshlar masalalari va maʼnaviy-maʼrifiy ishlar prorektori B. Xoliqov kirish so‘zi bilan ochib, o‘z nutqida dunyoda va mamlakatimizda sodir bo‘layotgan eng muhim voqealarga munosabat bildirdi.
Yurtimizda amalga oshirilayotgan ulkan yaratuvchanlik va bunyodkorlik ishlarining zamirida tinchlik va osoyishtalik turganligini va bugungi kunda yurtimizda yoshlar uchun yaratilayotgan keng imkoniyatlar va ulardan barcha talaba-yoshlarning unumli foydalanishlari lozimligini alohida ta’kidladi.
Din ishlari bo‘yicha qo‘mita bo‘lim boshlig‘i I.Ma’rupov o‘z so‘zida dunyoni bilish, hayotdan zavq olish, ekstremistik va terroristik tashkilotlarning asl maqsadlari haqida talabalarga keng tushuncha berdi. Ularni turli diniy oqimlarga kirib qolishdan ogoh etdi. Bunday guruhlarga kirib qolganlarning hayotidan ogoh etdi.
Respublika manaviyat va marifat kengashi huzuridagi "Ma’rifat" targ‘ibotchilar jamiyati a’zosi, Respublika ma’naviyat va ma’rifat markazi M.Ulug‘bek tumani bosh mutaxassisi, shoir N.Botirov ham o‘z nutqida odam savdosi hudud, chegara, millat tanlamaydigan mudhish og‘ir jinoyatligini, bu juda ko‘p salbiy oqibatlarga olib kelayotganligini, terrorizm, giyohvandlik, qurol-yarog‘, odam savdosi, missionerlik nayranglari va bunday illatlar keyingi yillarda odam savdosi bilan bog‘liq jinoyatlar bugungi kunda ko‘plab davlatlar va xalqlarni jiddiy tashvish va xavotirlarga solayotganligini hamda hozirgi davr shiddatli, axborotlarga to‘la davr ekanini aytib o’tdi.
Talabalarga mavzuga oid videorolik namoyish etildi va ma’ruzachilar talabalarning savollariga javob berdilar. Tadbir qiziqarli, bahs-munozaraga boy tarzda o’tdi.
