Binar mashg‘ulotlar — ikki karra mustahkam bilim
2022 - yil 6 - oktabr kuni O‘zbek tili ta’limi fakulteti O‘zga tilli guruhlarda o‘zbek tili 1-kurs talabalari uchun tilshunoslik asoslari fanidan “Biolingvistika: zamonaviy ilm-fan bizdan nima kutmoqda?” mavzusidagi binar ma’ruza bo‘lib o‘tdi. Unda ma’ruzachilar prof. Saodat Muhamedova hamkor ma’ruzachi sifatida biologiya fanlari bo‘yicha falsafa doktori (PhD), Xitoyning Chongqing shahridagi Janubiy-g‘arbiy universitet PostDok tadqiqotchisi Baxtiyor Sheraliyev mashg‘ulot olib borishdi. Juda qiziqarli, mazmunli, interaktiv tarzda o‘tkazilgan mazkur binar ma’ruzada til evolyutsiyasi va biologik turlar evolyutsiyasidagi o‘xshash qonuniyatlar, lingvistika va biologiya fanlari o‘zaro integratsiya qilgan soha - biolingvistika, aniq va ijtimoiy fanlarning ayni vaqtdagi holati, biz nimalarga tayyor turishimiz va bizdan nimalar kutilayotgani haqida fikrlar bildirildi.
Hamkor ma’ruzachi Baxtiyor Sheraliyev dars oxirida talabalar va ma’ruzaga qiziqib, boshqa OTMlardan kelgan talabalar, tadqiqotchilarning savollariga to‘liq javob qaytardi. Ma’ruza talabalarda katta taassurot uyg‘otdi va ularga ilmiy tadqiqot qilishda motivatsiya berdi.