Axborot-resurs markazi

Axborot-resurs markazi

Axborot-resurs markazining asosiy maqsadi universitet talabalari, 
pedagog-xodimlari hamda ilmiy tadqiqotchilarga axborot kutubxona xizmatini ko‘rsatish jumladan, yangi avlod o‘quv adabiyotlari, badiiy ilmiy-ommabop adabiyotlar bilan ta’minlashdan iborat.
Vazifalari:

• Talabalar, pedagog xodimlar va ilmiy tadqiqotchilarni o‘quv adabiyotlardan foydalanishga bo‘lgan talablarini qondirish, ularga ma’lumot axborot xizmatini ko‘rsatish;
• Universitetda o‘qitiladigan ta’lim yo‘nalishlari va mutaxassisliklariga oid yangi avlod o‘quv adabiyotlari bilan Axborot-resurs markazi fondini doimiy boyitib borish;
• O‘zbekiston Respublikasi Prezidentining 2017-yil 13-sentyabrdagi PQ- 3271- sonli “Kitob mahsulotlarini chop etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targ‘ibot qilish bo‘yicha kompleks chora- tadbirlar dasturi to‘g‘risida”gi Qarori ijrosiga muvofiq universitet talabalari, pedagog va ishchi xodimlari hamda ilmiy tadqiqotchilarni respublikamiz nashriyotlarida chop etilayotgan badiiy, ilmiy-ommabop adabiyotlar hamda mahalliy va xorijiy davriy nashrlar bilan doimiy ravishda ta’minlash;
• Axborot kommunikatsiya texnologiyalaridan foydalangan holda foydalanuvchilarning mustaqil ravishda ta’lim olishiga ko‘maklashish;
• “ZiyoNET” elektron axborot tarmog‘i hamda universitet elektron kutubxonasini doimiy ravishda elektron axborot ta’lim resurslari bilan boyitib boorish.
• kitob muzeyiga borishni tashkil etish;
• badiiy va kitob ko‘rgazmalarini o‘tkazish;
• kutubxona bo‘ylab sayohatlarni tashkil etish orqali foydalanuvchilarga  ijtimoiy-madaniy xizmat ko‘rsatilishini ta’minlaydi.

Huquq va majburiyatlari:

• ARM quyidagi huquqlarga egadir:
• Ushbu Nizomga beogilangan tartibda o‘zgartirish va qo‘shimchalar kiritish;
• axborot-kutubxona fondlaridan hamda boshqa axborot resurslaridan foydalanish, shuningdek ulardan foydalanish rejimi shartlarini belgilash;
• O‘zbekiston Respublikasi qonunchiligiga muvofiq foydalanuvchi tomonidan yetkazilgan zarar turlari va miqdorini aniqlash;
• foydalanuvchi tomonidan keltirilgan zararni 5 barobardan 10 barobarigacha qoplash choralarni ko‘rish;
• ushbu Nizomni buzgan foydalanuvchilarning ARM resurslaridan foydalanishini cheklash muddatini (ikki hafta, bir oy, uch oy, olti oy va bir yil) va javobgarlik choralarini belgilash;

ARM quyidagilarga majburdir:

• axborot-kutubxona resurslarini shakllantirish, axborot-kutubxona faoliyati sohasidagi O‘zbekiston Respublikasi qonunchiligiga va Kutubxona Ustaviga muvofiq ularning saqlanishini va ulardan oqilona foydalanishni ta’minlash;
• foydalanuvchilarning ARMda ishlashi uchun qulay shart-sharoitlar yaratish;
• foydalanuvchilarga xizmat ko‘rsatishning yuksak madaniyatini ta’minlash;
• ARMdan foydalanuvchilar to‘g‘risidagi ma’lumotlarning maxfiyligiga rioya qilish, O‘zbekiston Respublikasining amaldagi qonunchiligida nazarda tutilgan hollar bundan mustasno;
• Foydalanuvchilarni ushbu Nizomga kiritiladigan o‘zgartirish va qo‘shimchalar bilan tanishtirish.