O‘zbek oshxonasida mahorat darsi
Alisher Navoiy nomidagi Toshkent davlat o‘zbek tili va adabiyoti universitetida til o'rganayotgan KOICA tashkiloti ko‘ngillilari bugun universitet xalqaro aloqalar ofisi vakillari bilan birgalikda o‘zbek milliy taomlarini tayyorlash bo‘yicha mahorat darslarida ishtirok etdilar.
Ma'lumki, universitetimizda tashkil etilgan xorijliklar uchun o‘zbek tili markazida o‘zbek madaniyati ham keng targ‘ib etiladi.
Bugungi mahorat darslarida koreyalik tinglovchilar professional oshpazdan o‘zbek milliy palovi va milliy qaynatma sho‘rva tayyorlash sirlarini o‘rganishdi.
"O‘zbek oshxonasi juda noyob. Biz bunday mazali taomlarni tayyorlashni o‘rganib olganimizdan xursandmiz", deydi markaz tinglovchisi.
Darhaqiqat, o‘zbek tilini o‘rganish barobarida o‘zbek madaniyati, urf-odatlari bilan yaqindan tanishish til o‘rganuvchilar uchun ta'lim jarayonini osonlashtiradi, moslashuv davridagi ko‘plab to‘siqlarni bartaraf etishga yordam beradi.
