ABITURIYENTLAR VA ULARNING OTA-ONALARI UCHUN YANA BIR YENGILLIK
Barcha davlat oliy taʼlim muassasalarida tabaqalashtirilgan (super) toʻlov-kontrakt miqdorlari 10 foizga kamaytirildi
Xabaringiz bor, davlatimiz rahbari tomonidan talaba-yoshlarning oliy taʼlim olishi uchun yaratib berilayotgan qulay imkoniyat sabab yangi oʻquv yilida barcha oliy taʼlim muassasalarida toʻlov-kontrakt miqdorlari oshirilmadi.
Davlat oliy taʼlim muassasalariga oʻqishga qabul qilish jarayonlarini muvofiqlashtirish boʻyicha davlat komissiyasi qaroriga muvofiq 2022/2023 oʻquv yili uchun barcha davlat oliy taʼlim muassasalari bakalavriat taʼlim yoʻnalishlari boʻyicha bazaviy toʻlov-kontrakt qiymatidan kelib chiqib, faqat tabaqalashtirilgan (super) toʻlov-kontrakt miqdorlari 10 foizga kamaytirib belgilandi.
Quyidagi jadval orqali yoʻnalishlar kesimidagi tabaqalashtirilgan (super) toʻlov-kontrakt miqdorlari bilan tanishishingiz mumkin.