Adabiy manbashunoslik va matnshunoslikning dolzarb muammolari
Alisher Navoiy nomidagi Toshkent davlat o‘zbek tili va adabiyoti universitetida “Adabiy manbashunoslik va matnshunoslikning dolzarb muammolari” mavzuidagi 3-respublika ilmiy-nazariy konferensiyasi bo‘lib o‘tdi. Unda mamlakatimizning yetuk matnshunos va manbashunos olimlari o‘zlarining dolzarb mavzuga bag‘ishlangan ma’ruzalari bilan ishtirok etdilar. Konferensiyada adabiy manbashunoslik va matnshunoslik sohalarida erishilgan yutuqlar, istiqboldagi vazifalar haqida fikr almashildi. Shuningdek, sohada amalga oshirilishi zarur bo‘lgan ishlar hamda tadqiqotlar yuzasidan mulohazalar bildirildi. Kelgusida mazkur ilmiy konferensiyani nafaqat Respublika miqyosidagi, balki Xalqaro miqyosdagi konferensiyaga aylantirish hamda unda jahonning yetuk olimlari ishtirokini ta’minlash zarurligi ta’kidlandi.
