O‘quv-uslubiy bo‘lim

O‘quv-uslubiy bo‘lim

O‘quv-uslubiy bo‘lim universitet boshqaruv tuzilmasining tarkibiy bo‘linmasi bo‘lib, uning faoliyati universitetda Davlat ta’lim standartlari va boshqa o‘quv-me’yoriy hujjatlar asosida o‘quv ishlarini tashkil etilishini muvofiqlashtiruvchi tuzilma hisoblanadi.

Bo‘limning maqsadi:

Me’yoriy hujjatlar asosida bakalavriat va magistratura uchun ta’lim jarayonini O‘zbekiston Respublikasi Oliy va o‘rta maxsus ta’lim vazirligi o‘rnatgan tartibda o‘quv rejalar va o‘quv dasturlarga muvofiq ravishda tashkil etadi, nazorat qiladi hamda boshqaradi.

Bo‘lim vazifalari: 

• O‘zbekiston Respublikasining ta’limga oid Qonunlari, Prezident Farmonlari, Farmoyishlari, Qarorlari, Vazirlar Mahkamasining Qarorlari, Oliy va o‘rta maxsus ta’lim vazirligining Hay’at Qarorlari, buyruqlari, yo‘riq xat, modemogramma va telefonogrammalarini, shuningdek, rektor buyruqlarining fakultetlar, kafedralar, bo‘limlarda bajarilishini ta’minlash va monitoringini olib borish;
• O‘zbekiston Respublikasi Prezidenti va hukumati tomonidan qabul qilingan farmon va qarorlar mazmunini talabalarga yetkazib borish;
• Davlat ta’lim standartlari asosida o‘quv ishlarini tashkil etilishini ta’minlash;
• Fakultet va kafedralar o‘quv ish rejalarini bajarilishini ta’minlash;
• Bo‘limning barcha faoliyati va xodimlarini umumiy boshqarish;
• O‘tilayotgan darslarning sifatini oshirish, professor-o‘qituvchilarning shaxsiy rejalari bajarilishini ta’minlash va nazorat qilish;
• O‘quv xonalaridan unumli foydalanish, auditoriya va laboratoriyalarni texnik jihozlashni takomillashtirish bo‘yicha takliflar ishlab chiqish;
• Fakultet va kafedralarning yillik faoliyati hisobotlarini ta’minlash, tahlil qilish;
• O‘quv yiliga tayyorgarlik ko‘rish va o‘quv jarayonining yillik ish rejasini tuzilishini ta’minlash;
• Fakultet hamda kafedralarda o‘quv yuklamalari hisobini to‘g‘ri va mavjud me’yoriy hujjatlarga asosan taqsimlanishini ta’minlash hamda nazorat qilish;
• Universitetda auditoriya fondidan foydalanish va ularning taqsimlanishini ta’minlash;
• O‘quv-uslubiy jarayonga tegishli hujjatlar mavjudligi va saqlanishini ta’minlash;
• Barcha fakultetlarda darsliklar va o‘quv-metodik adabiyotlar yaratilishi, tarjima qilinishi, o‘quv-uslubiy majmualar bilan ta’minlanishi bo‘yicha ishlarni tashkil etish;
• Pedagog kadrlar va mutaxassislarni tayyorlash, professor-o‘qituvchilar malakasini oshirish rejalarini ishlab chiqish va amalga oshirishini ta’minlash;
• Barcha ta’lim yo‘nalishlari va magistratura mutaxassisliklarini o‘quv reja (ishchi o‘quv reja) va fan (ishchi o‘quv) dasturlari bilan ta’minlash;
• Talabalarning o‘quv va ishlab chiqarish amaliyotlarini tashkil etilishini ta’minlash;
• Talabalar bilimini baholashning zamonaviy tizimlarini tatbiq etilishini ta’minlash;
• Talabalarni mustaqil ta’lim olishlari uchun zamonaviy usul va vositalarini tatbiq etishni ta’minlash;
• ToshDO‘TAU Kengashi rejasi asosida o‘quv jarayoniga tegishli masalalarni belgilangan muddatda sifatli tayyorlashini ta’minlash;
• Bo‘lim faoliyatiga oid ma’lumot va hisobotlarni Vazirlikka o‘z vaqtida, o‘rnatilgan tartibda taqdim etib borish;

Bo‘limning huquq va majburiyatlari:

Bo‘limning vakolatiga kiruvchi masalalar yuzasidan belgilangan tartibda ijro organlari, shuningdek, universitet fakultetlari, kafedralar bilan aloqa bog‘lash, shuningdek, bo‘lim nizomida belgilangan vazifalarni so‘zsiz bajarilishini qamrab oladi.